Boas intencións, malos xeitos

Creo que a estas alturas niguén discute a oportunidade de determinadas obras en materia de saneamento, mellora do firme ou dotacións de espazos de recreo. O plan de financiamento feito polo goberno nacionalista, xunto coas obras promovidas dentro do plan de reactivación, supón un impulso a determinadas necesidades que xa se estaban quedando demasiado paradiñas. Nembargantes o criterio defendido polo grupo socialista no pleno paréceme rigorosamente acertado. Os activos inmobiliarios do concello son importantes porque dan cobertura as accións presupostarias do mesmo e constituen un elemento co cal se pode intervir de xeito directo na ordeación do territorio, comprando novos terreos coa venda daqueles.

Nas inversións en infraestructuras públicas, sobre todo aquelas que soen ter unha perda de valor no tempo importante (pavimentación e beirarúas, outra cousa ben distinta sería un auditorio ou un novo edificio para a biblioteca por exemplo), nestas inversións dicía, semella máis doado utilizar ou ben os recursos propios do concellos e as transferencias doutras daministracións, ou ben a financiación bancaria. E se non se pode porque temos unha débeda agobiante, a pregunta sería ¿Xa que lle pasamos ás futuras xeracións a factura da mala xestión no pasado en que llo imos cobrar? ¿Paralizando a inversión en novas obras hoxe ou descapitalizando o concello por non facelas mañá?