A seguridade vial no corredor do Morrazo

O incremento de accidentes mortais no corredor do Morrazo está xerar moitisimas peticións acerca da enésima conversión dunha estrada desas características en autovía. Os nosos instintos como individuos, ante un problema social coma é o da seguridade vial, nos levan a pedires a quen lle toque o tomar cartas no asunto.

Se analizamos os diferentes accidentes, os factores que os motivaron, chegamos a conclusión que na meirande parte deles non ten que ver nen o deseño, nen a sinalización da estrada, senón un grave fallo humano por incumplimento dalgunha norma de circulación.

Curvas abertas, peraltes ben definidos, cambios de rasante suaves... Cabe a posibilidade de que a nosa educación vial non sexa a máis adecuada para circular con seguridade a 100 km/h nunha vía única e sen mediana?

No caso do Morrazo, se poden trazar carrís de vehículos pesados nalgúns tramos onde non existen e aproveitando que o desmonte xa feito o permite. Pero non podemos propoñer o facer unha autovía cada vez que teñamos un problema de conxestión ou seguridade vial entre dúas vilas, resulta insostenible económica e medioambientalmente.

Son máis partidario de que a xente se responsabilice de que o coche é un instrumento que permite a comunicación e o transporte dun xeito áxil e flexible, pero que tomado á lixeira pode convertirse nunha trampa mortal...

A remodelación do transporte de liña para este ano mesmo

Precisamente tras os últimos apuntes sobre o pouco apoio que está a levar o transporte público na nosa terra, acontece unha boa nova. Xa temos escrito acerca do plan de transporte metropolitano, unha cuestión que ven da anterior Xunta de Galicia. A boa nova ten que ver cun impulso a esta iniciativa.

Estes días, nos paneis luminosos das paradas de autobús no centro do Porriño, o goberno municipal acaba de publicar una información escueta pero concisa: "proximamente novo directorio de autocares".

Este anuncio coincide co relanzamento da actual Xunta ó citado plan de transporte metropolitano, o cal compre lembrar que contempla o billete único para trasbordos, a implantación de importantes descontos cunha tarxeta moedeiro e a mellora de frecuencias e rutas de interese.

Precisamente o director de mobilidade, Miguel Rodriguez Bugarín, reuniuse fai pouco con representantes dos concellos interesados da zona de Vigo co gallo de que o plan entre en funcionamento antes de finalizar o presente ano. Así se informa dende a páxina web do propio plan.

Moaña alerta que la ampliación de Rande tendrá un «efecto embudo»

Nova reunión dos concellos da mancomunidade de Vigo sobre o transporte metropolitano.

O director xeral de mobilidade da Xunta de Galicia reuniuse onte en Santiago con representantes dos concellos da mancomunidade de Vigo. Tamén estaban convidados Cangas e Moaña, máis estes deron plantón ó director xeral.

A finalidade e os obxectivos do plan de transporte metropolitano manteñen a filosofía do anterior goberno da Xunta. Integración de tarifas e zonificación, ampliación da oferta en corredores de interese e melloras acerca dos puntos de intercambio de pasaxeiros.

A reducción no prezo do billete verá dad por unha cofinanciación entre os concellos interesados e máis a Xunta. O compromiso dende o goberno galego é que a finais deste ano se poña a rodar o plan de transporte.

Dende o seixo, a contracrónica.

Neste país existen iniciativas sinxelas de por en marcha pero enfrascadas en procesos políticos, ben por desidia da clase gobernante, ou ben por ausencia dunha forte masa crítica na sociedade. O certo é que a mellora do transporte de liña, que ven perdendo ano tras ano competitividade fronte o transporte en vehículo privado, xa é unha cuestión da que se falaba cando Feixoo era conselleiro de política territorial.

Resulta necesario impulsar ó transporte metropolitano. É a única alternativa eficiente para desconxestionar as cidades, reducir a siniestralidade nas estradas e reducir a dependencia dos combustibles fósiles. Ademáis de ofrecer unha alternativa para que non queira andar co coche as voltas.

Pero máis alá da boa nova que suporía unha mellora sustancial neste modo de transporte, non podemos evitar facer unha referencia (non nos cansaremos) ó tren de cercanías. Moito máis eficiente e cómodo, é adecuado para áreas de maior densidade de poboación.

A pelota tamén anda no tellado da Xunta de Galicia, pois xa está a suvbencionar determinadas liñas deficitarias da oferta de rexionais renfe, cando podería impulsar un transporte dende as cidades de Vigo e Pontevedra cara os polígonos industriais do Porriño, onde traballan milleiros de persoas, por poñer un exemplo.

Somentes un pouco de orde, nada máis.

Arranxar os problemas que ten o transporte público no entorno das cidades galegas e, concretamente, no área de Vigo está a resultar unha cuestión un tanto mística. Xa tratamos este tema a comezos do ano cando saiu nos medios a posible subvención ó transporte de ría como previo paso para ampliar tal mecanismo ó autobús de liña. Recordamos coma o alcalde de Vigo, Abel Caballero, mostraba o seu rexeitamento (con desplante incluido) a cofinanciación do billete por parte do seu concello, ó considerar que esa institución xa colaboraba dabondo noutros programas de axuda ó transporte colectivo.

O caso é que cambiou o goberno da Xunta, o tempo vai pasando e semella que todo está moi parado. Únicamente podemos sinalar como novidade a intención (xa reflexada nos programas electorais dos comicios autonómicos) de crear unha cousa chamada "ente xestor" para implantar os servios de cercanías ferroviarios. Servizos que xa son habituais en Asturias, rexión cunha renda per cápita e unha xeografía similar á galega.

Din que "as cousas de palacio, van despacio"; pero cando de facer unha nova estrada se trata a velocidade de reacción resulta sensiblemente maior. O transporte por estrada de mercadorías e a mobilidade de persoas en vehículo privado son elementos básicos nunha terra tan espallada coma Galicia. Pero nunca arranxaremos os evidentes problemas das cidades e os seus contornos industriais, se non terminamos de apostar por un modelo adecuado de trasporte público.

Os diferentes plantexamentos que se foron facendo neste senso son erróneos, quizais por iso sempre caeron en saco roto. Por exemplo, non se pode confeccionar un sistema de transporte metropolitano sen incluir un servizo de cercanías por tren naqueles puntos onde resulte máis competitivo este medio de transporte, coma tampouco se pode deseñar unha suvbención para rebaixar o custo unitario dos billetes sen facer un ordeamento do sector e unha análise máis rigurosa na demanda dos servizos.

Outro grave erro dos plantexamentos que se fixeron consistiu en que o sistema se poña en marcha naqueles concellos que se sumen ó citado plan. ¿Que pasa se un servizo poder ser viable para unha determinada zona pero existen fenómenos burocráticos ou políticos que frenan a súa posta en marcha?

Non creo que sexa necesaria tanta directriz, tanto plantexamento estéril ou tanta formalización de entes burocráticos para poñer a circular X trenes e Y autobuses nas Z concesións públicas que hai; todo cuns horarios e cuns prezos, suvbencionados ou non, pero que resulten atractivos para captar unha maior cantidade de clientes habituais. A non ser que todo sexa unha cortina de fume para falar de algo...

Tarde si, mal e arrastro esperemos que non.

O recén estreado goberno da Xunta parece que lle vai a dar un impulso definitivo á creación do tan manido ente administrativo do área metropolitana de Vigo, administración que precisa dunha lei de carácter autonómico para poder ter sustento normativo.

Sen embargo Vigo é, de facto, un área metropolitana en potencia, pero somentes en potencia. A cidade olívica, de trescentos mil habitantes, encabeza unha conurbación que vai ó norte coa capital provincial e coa península do Morrazo. Ademáis nó sur aséntase o cinturón industrial e o nó de comunicacións terrestre máis sinificativo da provincia. Isto último sabémolo moi ben na Louriña.

Dicía somentes un área metropolitana en potencia, e que nin tan sequera somos capaces de poñernos dacordo entre catro municipios para por en funcionamento unha depuradora que leva dous anos construida e que xa foi pagada pola UE. Ou porque o concello de Vigo segue a mostrar as súas reticencias (logo do desplante do seu rexedor) para cofinanciar con Cangas e Moaña a rebaixa dos billetes do transporte de ría.

E que o dun área metropolitana vai precisamente diso, de promover e xestionar infraestructuras e servizos en común, pero habida conta da torpeza que se promulga neste senso por estes lares, non sei se un ente administrativo máis a engadir ás anacrónicas deputacións vai a ser un arranxo ou un novo atranco para que os políticos sigan pelexando e os cidadáns pagando as liortas.

Preto de tres Euros e medio

Tres Euros e medio, ese é o custe por persoa que tivo o servizo regular entre Vigo e Moaña pola ría no ano 2008. Segundo os datos de pasaxeiros facilitados pola empresa e manexados pola Xunta, esa sería a referencia para cubrir coas suvbencións a diferencia entre o prezo de un Euro por viaxe no billete simple e o citado custe por usuario.

A primeira pregunta a facer é: ¿Interesa o transporte de ría tendo en conta as alternativas existentes por estrada, xa en autobús, xa en vehículo propio? De ser afirmativa a resposta, deberíamos ter claro que a demanda efectiva dun servizo vai en función do custe e da calidade do mesmo. Deste xeito se ofertas un servizo económicamente accesible e de calidade, é posible que o volumen de usuarios que consigas axude a rebaixar o custe unitario moi por debaixo deses tres Euros e medio.

Pola mesma banda se analizamos o progresivo desmantelamento do número de servizos entre Vigo e Moaña, mailo encarecemento dos billetes tanto na liña con Moaña coma na de Cangas; poderemos encontrar unha explicación ó baixo volume de usuarios dos últimos anos.

¿Porque as culpas son da Xunta? Pois polo xeito de facer as cousas. Sabemos que neste país os empresarios cando oen campás de cartos públicos enseguida se volven deficitarios. Deberíamos esixir que se aclaren se o modelo do transporte colectivo en Galicia vai a ser un modelo de explotación privada ou pública. Non a medias. Moito convenio de apoio ás empresas para que logo che metan un pau no cú.

A ver que pasa de aquí en diante no tema do autobús metropolitano e das cercanías ferroviarias. Veremos que nos mostra ese futuro goberno de austeridade do Sr. Feijoo. Na nosa comarca temos dúas estacións de ferrocaril de pasaxeiros, unha de mercadorías e nos atravesan dúas estradas nacionais...

Más de 1500 personas exigen en Moaña que continúe el transporte de ría

En vigo parece que maman pero non choran

Fai pouco tempo deixábamos caer neste blog unha noticia sobre a posta en marcha dun plan piloto en materia de transporte público. Tratábase de suvbencionar ás empresas que fan o servizo de transporte de ría, reducindo o custe do billete para o usuario e garantindo a explotación das liñas supostamente non rentables. Os concellos implicados son Cangas, Moaña e Vigo. Nesa noticia tamén anunciabamos o plante do rexedor Vigués na primeira convocatoria feita ás partes pola Xunta, plante que agora xa se confirmou coma unha clara intención de non participar na cofinanciación dos billetes. Así pois o plan plurianual final suporá un cargo de 1 millón de Euros para o concello de Cangas, de 600 mil Euros para o concello de Moaña e de seis millóns e medio para a propia Xunta.

Podese argumentar que o citado transporte a quen máis vai a beneficiar será ós usuarios do Morrazo e que polo tanto é lóxico que sexan os seus concellos os que financien as rebaixas do billete. Nese caso non sei que se pretende cando falamos da necesidade de crear unha administración para o área metropolitana. Se O Morrazo é capaz de darlle un impulso a un transporte público básico para moitos dos seus cidadáns e consegue que este vaia para adiante sen o apoio da cidade viguesa, ¿Para que queremos entón crear a citada área metropolitana? ¿Para que os de Vigo poidan dicir que xa son capital de algo? Non ten sentido. Se imos a crear o área metropolitana de Vigo suponse que debemos partir dun concepto de solidariedade entre tódolos concellos e de liderazgo por parte da administración viguesa. Pero se aquí cada cual vai barrer para a súa casa e a velar polo seu interese estricto, pois xa o deixamos estar e non facemos nada. Porque con ese millón e medio Cangas e Moaña poderían invertilos en potenciar os seus servizos sanitarios e xa teríamos unha necesidade menos para desprazarse con regularidade á cidade olívica. E de paso poderíamos poñer unha alambrada nos lindes de cada municipio e que te apañes se onde vives non tes onde mexar tranquilo.

Posta a punto da primeira proba do plan de transporte metropolitano

Os alcaldes de Cangas e de Moaña firmaron o protocolo para a posta en servicio, en tres meses, dun plan piloto ideado pola Xunta coa finalidade de subvencionar o billete do transporte de ría. A reunión tamén estaba convocado o rexidor vigués pero este ausentouse por motivos que non quedaron ben claros, según parece ser de axenda. Este plan piloto considérase a antesala do billete metropolitano para autobús, tren e barco; e que implica os concellos interesados da zona de Vigo. O obxectivo deste plan previo non é outro que a reducción do billete ordinario á metade do seu nivel actual, ante o perigo de desaparición do servizo que, según voces da empresa concesionaria Mar de Ons, vai a provocar a directiva europea de liberalización; directiva a cal implica que calqueira empresa pode entrar a competir polo transporte marítimo. A carga financeira para os concellos ascende ó 20% da transferencia á empresa operadora, o resto correrá por parte da Xunta. Por suposto o plan elevará o nivel de esixencia no tocante á calidade do servizo e número de frecuencias coa posibilidade de quedar fora da subvención en caso de incumprimento.


Incremento de prezos e competencia.

Xa apuntamos os motivos que esgrimiu a compañía Mar de ons no seu momento para ameazar coa supresión do servizo a Moaña. O certo é que agora que temos a Xunta poñendo en riba da mesa o plan piloto, e aproveitando a tal directiva de liberalización, apareceu outra empresa interesada en ofrecer o servizo Vigo-Cangas, trátase da buenense Illa de Ons a cal xa traballa na concesión para viaxar a illa do mesmo nome.

Para finalizar apuntar unha suba xeral de prezos para o transporte público. A noticia non se agocha baixo a suba en si mesma senón na súa cuantía e circunstancias. Por unha banda o billete rexional de RENFE subirá un catro por cento (o mesmo que o vai facer o salario mínimo sen embargo moi por riba da suba do IPC interanual). Por oura banda a propia Mar de Ons acaba de anunciar para o 1 de Febreiro subas dun 7% nos billetes e cancelacións de determinados bonos desconto, e todo isto apenas tres meses anta da posta en práctica do xa comentado plan piloto.