¡Qué pesados os da UE!

Mira que non paran, a este paso imos pensar que choven os cartos en Bruselas. A pesares da manifesta torpeza á hora de administrar as subvencións que fomos recibindo en Galicia nos últimos 20 anos, eles seguen "erre que erre", a ver se por fin aprendemos a utilizalas. Agora nos queren axudar a construir o novo enlace ferroviario con Portugal. Aínda así, seica aprenderon porque estes cartos irían destinados a sufragar o coste de obra, non tódolos gastos técnicos e administrativos previos a materialización dun proxecto. Deste xeito igual nos poñemos as pilas e temos, antes de tempo, doble liña ferroviaria con ancho internacional e válida para "conboios" de alta velocidade. Outra cousa será que acabe collendo óxido o ferro..., porque do mesmo xeito que os centros de interpretación se fan para interpretar, as liñas de ferrocarril se fan para poñer servizo, e vendo o pouco servizo que se oferta nas actuais pois xa me contaredes.