Trámites express

Unha vez pasada a resaca filmográfica do festival de Cans toca volver a actualidade local, que non é moita, nin positiva.

Días atrás publicaba unha nota de prensa o PSdeG local para denunciar unha situación cando menos preocupante no eido sanitario, non pode permitirse que un trámite administrativo sinxelo para unha obra de certa importancia, como é a mellora e ampliación do centro de saúde porriñés, se demore 7 meses!

O importe a invertir tampouco é nada despreciable, 800.000€ que a bo seguro axustarán un pouquiño máis o servicio prestado ás demandas, aínda así estou seguro que queda moito por mellorar, pois que moitos casos que poderían ser resoltos nos propios centros de saúde -ampliándoos dotacionalmente- continúen a seren derivados ós hospitais de referencia non é nada positivo para a atención final do pacente.

Por iso que un concello que queira adaptarse o crecemento poboacional, ten non só que cumplir cos trámites, senón propicialos, procurando anticiparse ás necesidades que se derivan da ampliación do censo, e tardar máis de medio ano en asinar e enviar un papel para darlle un pulo a un centro de saude infradimensionado só porque a ampliación non a conseguiu o propio partido do goberno local, é unha actitude profundamente rexeitable.

¿Ou é que pesan máis uns papeis que outros e van para ó fondo da pila? Nin que fora unha cita médica, 7 meses, mi madriña.